每年做 body check 到底值唔值？點揀套餐？

營養師角度：body check 值唔值，睇你揀啱唔啱項目，唔係越多越好。四十歲以上、有家族三高糖尿心臟病史，做啲針對性檢查（血糖、血脂、血壓、大腸）就好抵。後生又無病徵，做齊全套腫瘤指標好多時假陽性，嚇親自己。僅供參考，最好搵醫生度身建議。

我每年做，實戰貼士：揀有醫生解報告嗰啲套餐，唔好淨係影完抽完派張紙。紅字一大堆但無人解，等於白做仲嚇餐死。

護士提提：驗身前跟足指示禁食、瞓夠、唔好前一晚捱夜飲酒，唔係啲數會靠害，白白多咗紅字。僅供參考。

留意有啲平價套餐用嚟做 loss leader，去到再 upsell 加照呢樣嗰樣。去之前定好 budget，唔好現場心軟。

有啲保險或者公司員工福利本身送 body check，check 下自己有無得用先，唔好無啦啦自己畀錢。

body check 全部都係呃錢，驗完都係話你無事，慳返啲錢食餐好過啦。