打份工人工唔夠使,想搞副業但唔知做咩好,有咩實際建議?

做緊副業三年,由零蚊本錢起步,俾幾個實際方向你。第一,先由你已有嘅skill出發,唔好貿然學新嘢:你正職做設計就接freelance design,做marketing就幫細公司管social media,做會計就幫小商戶報稅記賬。呢啲零成本、即刻變到現金。第二,唔好一開始就入貨開網店/搞實體,壓貨最易蝕死,想賣嘢可以由代購/predorder(收咗訂單先入貨)試水溫。第三,一定要check返你正職合約有冇「不得兼職/競業」條款,同埋唔好用返正職資源同時間做私單,俾人發現分分鐘炒你。第四,由細做起,唔好一嚟就辭職all in,穩住正職現金流,副業做到穩定過正職先諗轉。最緊要係開始咗先算,好多人諗一年都冇郁過。