同事成日搶我功勞，喺老細面前扮晒佢做，點算好？

我試過直接但客氣咁喺會上補返：「呢part我補充少少，因為係我跟嘅」。唔使嬲，語氣平和啲就得，一兩次之後佢自己都會收斂。私底下都可以搵個機會同佢講你希望大家report返自己嗰part，好過忍到爆先鬧交。如果講咗都無用，就將你嘅貢獻讓上司知,但唔好日日喺背後彈佢,會顯得你small。

我以前都遇過，最有效係留低文字紀錄。你負責嘅部分用email或者Teams update埋老細同team,有白紙黑字擺喺度，佢再點講都爭唔到。開會時你主動講你嗰part嘅進度,唔好等佢代你講。呢啲唔係搏鬥，係保護自己。做得專業啲，老細其實望到邊個真係做嘢，長遠一定睇得出。