跳槽先加到人工？留喺原公司加薪係咪真係咁難？

我自己經驗係，內部加薪三五年加落嚟都係得十幾percent，但我每次跳槽都加兩三成。原因好簡單，公司對住舊員工永遠當你係舊價,新公司先會用市價請你。不過我要提醒,跳得太密frequent會令CV唔好睇,HR會覺得你唔穩定。我建議每份工做夠兩年先跳,咁增幅同穩定度先平衡到。

我唔完全同意一定要跳。我自己上年喺原公司成功加咗兩成幾,關鍵係我事前做足準備:我整咗份文件列晒自己一年做咗咩project、幫公司慳咗幾多、拎過幾多市場數據做參考,再約老細正式傾唔係求佢。好多人加唔到係因為淨係講「我做咗好耐好辛苦」,呢啲情感牌冇用。你要用數字證明自己值呢個價。