第一次領養貓，要準備啲乜？

養貓咪買個籠關住咪得，使乜準備咁多。

慳家師奶 tip，唔使一開始買晒貴嘢。貓砂盆同抓板基本款就得，睇下佢鍾意咩再入。反而糧唔好亂換牌子，容易肚屙。

護士講句，領養返嚟記得盡快搵獸醫做個基本檢查，睇下有無跳蚤、耳蟎或者腸胃蟲。收容所出嚟嘅多數要杜蟲同打針，唔好慳呢一步。

記得帶返嚟頭一兩星期唔好開晒成間屋畀佢走。先困喺一間房，等佢熟悉咗味道同你，先慢慢放大範圍，唔係佢會周圍匿到你搵唔到。

領養三隻貓嘅過來人。新手必備：貓砂盆、貓砂、糧同水碗、貓抓板、一個可以匿埋嘅窩。頭幾日唔好次次抱佢，畀佢自己慢慢熟環境，佢肯出嚟食嘢就代表開始放心。