啱啱嚟香港做嘢,租劏房要注意啲乜先唔會俾人呃?

住過三年劏房,講幾個實戰位。第一,一定要簽租約(通常兩年生約或一年生一年死),寫清楚租金、按金、租期同水電點計,唔好淨係口頭講。第二,水電費最伏,好多劏房業主自己開個天價電費表,一度電收你成兩蚊,簽約前問清楚每度幾多,合唔合理。第三,check清楚有冇獨立水錶電錶、廁所有冇窗、消防通道通唔通,呢啲關乎安全。第四,交按金一定要收據。最後,而家有《業主與租客(綜合)條例》規管劏房,業主唔可以亂加租亂逼遷,你可以上網睇差餉物業估價署嘅劏房租務指引,有法律保障。