做咗五年同一份工，係咪應該轉行定係留低捱到升？

我當年冇轉，選擇留喺公司內部轉組，由行政調去做HR。我覺得好多人低估咗「內部轉職」呢條路，你已經熟公司文化同人脈，轉組阻力細好多，人工又唔使由零計。我而家做到HR主任，回頭睇覺得唔一定要辭職跳出去先叫進步。你不妨先同上司傾吓公司有冇其他組空缺，試過先講。

我自己經驗係，三十歲果年由物流轉去做data analyst，起薪跌咗成三成，捱咗一年半先追返。老實講最難唔係技術，係心理關口，你要接受自己由師兄變返新仔。但兩年後回頭望，我覺得值，因為原本個行真係見到天花板。建議你唔好裸辭，一邊返工一邊考返個實際證書同砌portfolio，有offer先跳，咁至穩陣。