仔仔升中派位派咗第三志願,應該叩門定接受?

我嘅經驗係唔好淨係睇間學校名氣,要睇啱唔啱你個仔。我大仔當年派咗間所謂band 1尾,我哋去咗開放日睇,反而覺得校風同佢啱,就無叩門,結果佢讀得好開心。第三志願唔代表差,好多時只係你當初排序嘅問題。真係想叩就早啲去打聽邊間仲收人,同埋預備仔仔面試。最重要係同個仔傾,問下佢自己點諗,唔好淨係大人決定。

我三年前都經歷過。首先你要知道,接受咗派位間學校註冊,係唔影響你去叩門嘅,叩到先退返,叩唔到都有間學校讀,唔會兩頭唔到岸,所以唔使咁驚。叩門重點係揀返一兩間真係心儀又夠實力嘅,唔好周圍撒網。準備定個portfolio,獎狀、成績、課外活動整齊擺好。面試時仔仔要識講點解想入呢間。祝你哋順利。